Hľadaný výraz: Mt 26,17-20; Mk 14,12-17; Lk 22,7-14, Preklad: Hebrejský - Moderný, Počet výsledkov: 3
| 17 ויהי בראשון לחג המצות ויגשו התלמידים אל ישוע לאמר באי זה מקום תחפץ כי נכין לך לאכל את הפסח׃ 18 ויאמר לכו העירה אל פלני אלמני ואמרתם אליו כה אמר הרב עתי קרובה היא ובביתך אעשה את הפסח עם תלמידי׃ 19 ויעשו התלמידים כאשר צום ישוע ויכינו את הפסח׃ 20 ויהי בערב ויסב עם שנים העשר׃ |
| 12 ויהי בראשון לחג המצות עת זבח הפסח ויאמרו אליו תלמידיו איפה תחפץ לאכל את הפסח ונלכה ונכין׃ 13 וישלח שנים מתלמידיו ויאמר אליהם לכו העירה ויפגע אתכם איש נשא צפחת המים לכו אחריו׃ 14 ובאשר יבוא שמה אמרו לבעל הבית כה אמר הרב איה המלון אשת אכלה שם את הפסח עם תלמידי׃ 15 והוא יראה אתכם עליה גדולה מצעה ומוכנה ושם הכינו לנו׃ 16 ויצאו תלמידיו ויבאו העירה וימצאו כאשר דבר להם ויכינו את הפסח׃ 17 ויהי בערב ויבא עם שנים העשר׃ |
| 7 ויבא יום המצות אשר זבוח יזבח בו הפסח׃ 8 וישלח את פטרוס ואת יוחנן לאמר לכו והכינו לנו את הפסח ונאכלה׃ 9 ויאמרו אליו באי זה מקום תחפץ כי נכין אותו׃ 10 ויאמר אליהם הנה אתם באים העירה ופגע אתכם איש נשא צפחת מים לכו אחריו אל הבית אשר יבוא שמה׃ 11 ואמרתם אל בעל הבית כה אמר לך הרב איה המלון אשר אכלה שם את הפסח עם תלמידי׃ 12 והוא יראה אתכם עליה גדולה מצעה שם תכינו׃ 13 וילכו וימצאו כאשר דבר אליהם ויכינו את הפסח׃ 14 ויהי כאשר הגיעה השעה ויסב הוא ושנים עשר השליחים אתו׃ |
